ԱՄՆ նախագահ Դոնալդ Թրամփն ակնկալում է, որ Մեքսիկայի հետ սահմանին պատի կառուցումը կավարտվի մինչև պետության ղեկավարի պաշտոնում իր երկրորդ ժամկետի ավարտը՝ 2029 թվականին։ Չորեքշաբթի նման կարծիք է հայտնել ԱՄՆ փոխնախագահ Ջ.Դ.Վենսը։«Կարծում եմ՝ նախագահ Դոնալդ Թրամփը հուսով է, որ այս ժամկետի ավարտին մենք կավարտենք ամբողջ սահմանային պատը:
Եվ, իհարկե, մենք խոսում ենք ֆիզիկական կառուցվածքի, բուն սահմանային պատի մասին», -ասել է նա Տեխասի Իգլ Պաս քաղաքում՝ Մեքսիկայի հետ սահմանին կայացած մամուլի ասուլիսում։ԱՄՆ փոխնախագահը նաեւ նշել է, որ իրեն ներկայացվել են արհեստական ինտելեկտի կիրառմամբ տարբեր տեխնոլոգիական լուծումներ, որոնք բարձրացնում են սահմանների անվտանգության արդյունավետությունը։
