Արգենտինայի ընդդիմադիր պատգամավորները հայտարարություն են ներկայացրել՝ երկրի նախագահ Խավիեր Միլեյի քրոջը՝ Կարինա Միլեյին մեղադրելով կաշառք ստանալու մեջ, հայտարարել է «Քաղաքացիական կոալիցիա» կուսակցության առաջնորդ Էլիզա Կարիոն։
«Քաղաքացիական կոալիցիայի պատգամավորներ Մոնիկա Ֆրեյդը և Մաքսիմիլիանո Ֆերարոն չորեքշաբթի քրեական գործ են հարուցել նախագահական գրասենյակի քարտուղար Կարինա Միլեյի դեմ՝ կաշառակերության, էթիկայի օրենքի խախտման համար»,-գրել է Կարիոն X սոցիալական ցանցում:TN-ն ավելի վաղ հայտնել էր, որ դատախազները հետաքննություն են սկսել Արգենտինայի նախագահ Խավիեր Միլեյի դեմ կրիպտոարժույթի սկանդալի հետ կապված հայցերի վերաբերյալ: Ընդհանուր առմամբ, Միլեյի դեմ 112 հայց է ներկայացվել։
Նա մեղադրվում է խարդախության, էթիկայի կանոնները խախտելու, իր պետական պաշտոնին չհամապատասխանող բանակցություններ վարելու, ապօրինի կազմակերպությանը մասնակցելու և կաշառակերության մեջ։Արգենտինայի նախագահը X սոցիալական ցանցում կրիպտոարժույթներից մեկի մասին տեղեկություն է հրապարակել, ինչը հանգեցրել է դրա արժեքի բարձրացման, որը հետագայում նվազել է։
