Երկուշաբթի երեկոյան Ուկրաինայի Դնեպրոպետրովսկում պայթյուններ են որոտացել օդային հարձակման ահազանգի ֆոնին, հայտնում է «Strana.ua» հրատարակությունը։
Ուկրաինայի թվային փոխակերպումների նախարարության առցանց քարտեզի համաձայն՝ երկրի մի շարք շրջաններում, այդ թվում՝ Դնեպրոպետրովսկի մարզում, հնչում են օդային հարվածների ազդանշաններ։
«Նրանք հայտնում են Դնեպրոպետրովսկում պայթյունի մասին»,- РИА Новости-ի փոխանցմամբ՝ ասվում է հրատարակության Telegram ալիքում։
Երկուշաբթի երեկոյան ավելի վաղ տեղի իշխանությունները հայտնել էին Օդեսայում պայթյունների մասին։
Ռուսաստանի զինված ուժերը սկսել են հարվածներ հասցնել ուկրաինական ենթակառուցվածքներին 2022 թվականի հոկտեմբերի 10-ին՝ Ղրիմի կամրջի վրա տեղի ունեցած ահաբեկչությունից երկու օր անց, որը, ըստ ռուսական իշխանությունների, իրականացվել է ուկրաինական հատուկ ծառայությունների կողմից։
Ամբողջ երկրում հարվածներ են հասցվում էներգետիկայի, պաշտպանական արդյունաբերության, ռազմական հրամանատարության և կապի օբյեկտներին։ Այդ ժամանակից ի վեր ուկրաինական շրջաններում, երբեմն՝ ամբողջ երկրում օդային հարվածների ազդանշաններ են հնչում ամեն օր։
Թարգմանությունը՝ Euromedia24.com-ի
