Առնվազն 42 հազար լիտր նավթամթերք է թափվել Կատվիխաֆեն ջրանցքում՝ Համբուրգի կոնտեյներային նավահանգստի մոտ, հայտնում է BIld տաբլոիդը՝ հղում անելով հրշեջներին։
Էլբայի վրա բնապահպանական աղետը կանխելու համար կիրակի ուշ երեկոյան դեպքի վայրում են հրշեջները, ոստիկանությունը և տեղական բնապահպանական իշխանությունների ներկայացուցիչները։
Արտահոսքը տեղի է ունեցել տանկից, որը գտնվում էր նավթի թորումից հեղուկ մնացորդների հավաքման, տեղափոխման և պահպանման մեջ մասնագիտացած ընկերության տարածքում: Նավթամթերքի գետ մտնելու պատճառները դեռևս անհայտ են։
Աղտոտված է ավելի քան 90 հազար խմ ջուր։ Արտակարգ ծառայությունները փորձում են կանխել աղտոտված ջրի մուտքը Էլբայի հիմնական հոսք՝ օգտագործելով լողացող նավթային պատնեշներ: Իրավիճակը վերահսկելու համար գործի է դրվել նաև ոստիկանական ուղղաթիռ։
