ԱՄՆ նախագահ Դոնալդ Թրամփի որոշ օգնականներ պահանջում են Ուկրաինայի նախագահ Վոլոդիմիր Զելենսկու հրաժարականը՝ որպես ցանկացած հնարավոր գործարքի մաս, այդ թվում՝ Ռուսաստանի հետ։ Այս մասին հայտնում է Bloomberg-ը՝ հղում անելով եվրոպական աղբյուրին։
Գործակալության աղբյուրները նշում են, որ ինքը՝ Թրամփը, ավելի քիչ կոշտ հայացքներ ունի, քան իր վարչակազմի որոշ անդամներ։ԱՄՆ-ի և Ուկրաինայի նախագահները հրապարակային վիճաբանություն են ունեցել Վաշինգտոնում կայացած հանդիպման ժամանակ։
Սպասվում էր, որ պետությունների ղեկավարները համաձայնության կգան հազվագյուտ հողային մետաղների վերաբերյալ։ Սակայն ճեպազրույցի ժամանակ ամերիկացի առաջնորդը կշտամբել է իր ուկրաինացի գործընկերոջը ԱՄՆ-ի նկատմամբ անհարգալից վերաբերմունքի համար՝ ասելով, որ Ուկրաինան «մեծ դժվարությունների մեջ է» և առանց ամերիկյան ռազմական տեխնիկայի՝ հակամարտությունը կավարտվի երկու շաբաթից։
