ԵՄ դիվանագիտության ղեկավար Կայա Կալլասը, մեկնաբանելով Ուկրաինայի վերաբերյալ ՄԱԿ-ի բանաձեւի վերջին քվեարկությունը, դժգոհել է, որ ԱՄՆ իշխանությունների վարքագիծը փոխվել է ռուս պաշտոնյաների հետ հանդիպելուց հետո։
Ավելի վաղ ՄԱԿ-ի Գլխավոր ասամբլեան Ուկրաինայի վերաբերյալ երկու բանաձև է ընդունել, որոնք պատրաստվել են արևմտյան երկրների կողմից Կիևի հետ և առաջարկվել ԱՄՆ-ի կողմից։ Առաջինին կողմ է քվեարկել 93, դեմ՝ 18, ձեռնպահ՝ 65 երկիր։ Դրան, մասնավորապես, դեմ են արտահայտվել Ռուսաստանը, ԱՄՆ-ը, Բելառուսը, Հունգարիան, Իսրայելը, Հյուսիսային Կորեան և Նիկարագուան։
Փաստաթղթին աջակցողների թվում, ԵՄ երկրներից բացի, եղել են Թուրքիան և Սերբիան, իսկ ձեռնպահ քվեարկողների թվում են Արգենտինան, Հայաստանը, Բրազիլիան, Չինաստանը, Կուբան, Հնդկաստանը, Իրանը, Ղազախստանը և Սաուդյան Արաբիան։
Ամերիկյան տարբերակին աջակցել են նաև ՄԱԿ-ի 93 անդամներ, ութը դեմ են քվեարկել, 73-ը ձեռնպահ են մնացել։
Ըստ Կալլասի, ով հարցազրույց է տվել CBS-ին, ԱՄՆ-ը «անսպասելիորեն» փոխել է իր դիրքորոշումը բանաձեւի վերաբերյալ։
