Հայֆայի ավտոկայանում դանակի հարձակման հետևանքով մեկ մարդ է մահացել, հայտնում է Իսրայելի շտապօգնության (MDA) մամուլի ծառայությունը։
«MDA-ի բժիշկներն ու բուժաշխատողները հաստատել են մոտ 70 տարեկան տղամարդու մահը, ինչպես նաև ցուցաբերել են բժշկական օգնություն և 4 տուժածի, որոնցից երեքը ծանր վիճակում են, ուղարկել են Ռամբամ հիվանդանոց»,- ասվում է հաղորդագրության մեջ։
Ավելի վաղ Իսրայելի ոստիկանությունը հայտնել էր Հայֆայում հրազենի կիրառմամբ ենթադրյալ ահաբեկչության մասին։
Քիչ անց ոստիկանությունը պարզաբանեց, որ սա դանակով ահաբեկչություն է։ Անվտանգության ուժերի տվյալներով՝ հարձակվողը տեղում սպանվել է։ Ահաբեկչությունը տեղի է ունեցել առևտրի կենտրոնում՝ զուգակցված Հայֆայի Լև Համիֆրաց կենտրոնական ավտոկայանի հետ։
