Իսրայելի վարչապետ Բենիամին Նեթանյահուն տեսաուղերձ է ձայնագրել անգլերենով, որում մի քանի անգամ շնորհակալություն է հայտնել ԱՄՆ նախագահ Դոնալդ Թրամփին Գազայի հատվածի հետ կապված իրավիճակին համապարփակ աջակցության և սպառազինությունների մատակարարումների համար, որոնք հետաձգվել էին ԱՄՆ նախկին նախագահ Ջո Բայդենի վարչակազմի կողմից։
Միաժամանակ, նա ևս մեկ անգամ հայտարարել է, որ Իսրայելը համաձայն է ԱՄՆ հատուկ բանագնաց Սթիվեն Վիտկովի առաջարկին՝ երկարաձգել հրադադարը անկլավում, իսկ արմատական պաղեստինյան ՀԱՄԱՍ շարժումը, ըստ նրա, համառորեն մերժում է այն։«Ուզում եմ շնորհակալություն հայտնել նախագահ Թրամփին Իսրայելին ցուցաբերած անսասան աջակցության համար։
Վաշինգտոն կատարած իմ վերջին այցի ժամանակ ես ասացի, որ Դոնալդ Թրամփը լավագույն ընկերն է, որ Իսրայելը երբևէ ունեցել է Սպիտակ տանը։Եվ նախագահ Թրամփը ամեն օր ցուցադրում է այդ բարեկամությունը։ Նա դա ցույց տվեց՝ մեզ ուղարկելով ուշացած ամբողջ զինամթերքը»,- ասել է Նեթանյահուն։
