Կատարը դատապարտում է Գազայի հատված մարդասիրական օգնության մատակարարումն արգելելու Իսրայելի որոշումը և դա համարում է անկլավում հրադադարի համաձայնագրի խախտում։ Այս մասին մարտի 2-ին հայտնել է Կատարի ԱԳՆ-ը։«Կատարի պետությունը խստորեն դատապարտում է իսրայելական կառավարության որոշումը՝ դադարեցնել մարդասիրական օգնության մուտքը Գազայի հատված»,-ասվում է հայտարարության մեջ։
ԱԳՆ-ը Իսրայելի գործողությունները գնահատել է «որպես հրադադարի համաձայնագրի և միջազգային մարդասիրական իրավունքի կոպիտ խախտում»։
Դոհան կոչ է արել միջազգային հանրությանը ստիպել Իսրայելին ապահովել մարդասիրական օգնության անխոչընդոտ առաքումը անկլավի տարածքում։Հունվարի կեսերին Իսրայելը և ՀԱՄԱՍ շարժումը Եգիպտոսի, Կատարի և ԱՄՆ-ի միջնորդությամբ պայմանավորվել են Գազայում հրադադար մտցնել, որն ուժի մեջ է մտել հունվարի 19-ին։
