Եգիպտոսն աշխատում է վերսկսել մարդասիրական օգնության մատակարարումները Գազայի հատված։ Այս մասին հայտնում է Դուբայից հեռարձակվող Al Hadath հեռուստաալիքը՝ վկայակոչելով աղբյուրներին։
Աղբյուրները նաև նշում են, որ միջնորդները ջանքեր են գործադրում հրադադարի երկարաձգման համար, քանի դեռ վեճերը չեն լուծվել պաղեստինյան ՀԱՄԱՍ շարժման և Իսրայելի միջև գործարքի երկրորդ փուլի բանակցությունների սկզբում:
Միջնորդները Իսրայելից պահանջել են չվերսկսել ռազմական գործողությունները, մինչդեռ Իսրայելն իր հերթին միջնորդներից պահանջել է զինաթափել ՀԱՄԱՍ-ին Գազայի հատվածի վերականգնման սկսվելուց առաջ, հեռուստաալիքին հայտնել են աղբյուրները։
Հունվարի կեսերին Իսրայելը և Համասը Եգիպտոսի, Կատարի և ԱՄՆ-ի միջնորդությամբ պայմանավորվել են Գազայում հրադադար մտցնել, որն ուժի մեջ է մտել հունվարի 19-ին։ Պայմանագրի կատարման առաջին փուլն ավարտվել է մարտի 1-ին, որի շրջանակներում 42 օրում Գազայի հատվածից Իսրայել է վերադարձվել 33 պատանդ։
