Ֆրանսիայի նախագահ Էմանուել Մակրոնը չի բացառում Ռուսաստանի նախագահ Վլադիմիր Պուտինի հետ երկխոսության վերականգնման հնարավորությունը։ Այս մասին գրում է Le Journal du Dimanche (JDD) ֆրանսիական հրատարակությունը։
«Ոչինչ բացառված չէ, ես դա միշտ ասել եմ։ Նախագահ Պուտինի հետ երկխոսությունը կարող է տեղի ունենալ հարմար պահի»,- ասել է Մակրոնը։
Ֆրանսիայի ղեկավարը հավելել է, որ շփումները կարող են տեղի ունենալ «երբ իրավիճակը կայունանա»։ Թե կոնկրետ ինչ նկատի ունի նախագահը կայունացում ասելով, չի հստակեցվել։
Փետրվարի 18-ին Մակրոնն ասել էր, որ կխոսի Պուտինի հետ, եթե նման խոսակցությունն օգտակար կլինի Ուկրաինայում իրավիճակի կարգավորման բանակցությունների համար։ Ֆրանսիայի նախագահն ընդգծել էր, որ հրադադարի վերաբերյալ համաձայնագիրը «ոչ մի կերպ չի լուծի հակամարտությունը»։
