Ռուսաստանը փորձում է երկխոսություն կառուցել ԱՄՆ-ի և այլ երկրների հետ հարգանքի և փոխշահավետության դիրքերից։
Այս մասին ամենօրյա ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք ցանկանում ենք երկխոսություն կառուցել ոչ միայն Ամերիկայի, այլ բոլոր երկրների հետ՝ փոխադարձ հարգանքի և փոխշահավետ դիրքերից»,- ասել է Կրեմլի ներկայացուցիչը՝ ի պատասխան այն հարցին, թե ինչ դիրքերից է իմաստալից շփվել ամերիկյան կողմի հետ՝ հաշվի առնելով, որ Սպիտակ տան ղեկավարն ինքը փորձում է բոլորի հետ խոսել ուժի դիրքերից։
Պեսկովը հավելել է, որ փոխգործակցությունը պետք է կառուցել միայն ճշմարտության դիրքերից, «որը յուրաքանչյուրն ունի իր սեփականը»։
