Նիկարագուան լքում է ՄԱԿ-ի Մարդու իրավունքների խորհուրդը (ՄԻԽ)՝ իր ինքնիշխանության նկատմամբ անհարգալից վերաբերմունքի և ՄԱԿ-ի Մարդու իրավունքների գերագույն հանձնակատարի գրասենյակի կողմնակալ մոտեցման պատճառով: Այս մասին ասվում է Նիկարագուայի արտաքին գործերի նախարարության ղեկավար Վալդրակ Յենցկեի՝ ՄԱԿ-ի Մարդու իրավունքների խորհրդի նախագահ Յուրգ Լաուբերին ուղղված նամակում։
«Նիկարագուայի համար այս անհարգալից մեխանիզմները կորցրել են իրենց բնույթն ու էությունը, մենք չենք ճանաչում դրանք և չենք համարվում ինքնիշխանության, պետությունների իրավահավասարության և ժողովուրդների արժանապատվության ոտնահարման մասնակից կամ մեղսակից։
Այդ իսկ պատճառով Նիկարագուան փոխանցում է Իրավունքների խորհրդից դուրս գալու իր ինքնիշխան և վերջնական որոշումը»,- ասված է 19digital պորտալի հրապարակած հաղորդագրության մեջ։Յենցկեն քննադատել է նաև Նիկարագուայում մարդու իրավունքների հարցերով փորձագետների խմբի պատրաստած զեկույցը, որը ներառվել է ՄԱԿ-ի Մարդու իրավունքների գերագույն հանձնակատարի տարեկան զեկույցում։
