Եվրոպան պետք է «լիարժեք մասնակցություն» ստանա ուկրաինական հակամարտության կարգավորմանը: Այս կարծիքը հինգշաբթի օրը հայտնել է Մեծ Բրիտանիայի վարչապետ Քիր Սթարմերը Fox News-ին տված հարցազրույցում։Նրա դիրքորոշման համաձայն, հակամարտությունը կարգավորելու համար պետք է կնքվի «տեւական գործարք»։
«Կարծում եմ, որ եվրոպական երկրները, այդ թվում՝ Մեծ Բրիտանիան, պետք է լիակատար մասնակցություն ունենան դրան»,- ասել է Մեծ Բրիտանիայի վարչապետը՝ նշելով, որ Լոնդոնը պատրաստ է ստանձնել «առաջատար դերը»։
Նրա խոսքով՝ կարելի է խոսել ցամաքային զորքեր՝ որպես խաղաղապահ զորախումբ ուղարկելու, օդային ու ծովային աջակցության հնարավոր ապահովման մասին։Սթարմերը նշել է, որ այդ հարցը բարձրացրել է Սպիտակ տանը՝ ԱՄՆ նախագահ Դոնալդ Թրամփի հետ հանդիպմանը։
Մասնավորապես, ըստ Մեծ Բրիտանիայի վարչապետի, քննարկվել է այն մասին, թե ինչպես կարելի է «միասնաբար ապահովել անհրաժեշտ անվտանգությունը»։Թրամփը ավելի վաղ ասել էր, որ Միացյալ Նահանգների վարչակազմը պատրաստ է աջակցել եվրոպական երկրներին, եթե նրանց խաղաղապահները տեղակայվեն Ուկրաինայի տարածքում։
