Ռուսաստանը և Չինաստանը, որպես հաղթող երկրներ, պետք է պաշտպանեն Երկրորդ համաշխարհային պատերազմի արդյունքները և պատմական ճշմարտությունը, Պեկինում ընթացող ՌԴ Անվտանգության խորհրդի քարտուղար Սերգեյ Շոյգուի հետ հանդիպմանը հայտարարել է Չինաստանի արտգործնախարար Վան Ին։
«Մեր երկրները, որպես Երկրորդ համաշխարհային պատերազմի հիմնական հաղթողներ և ՄԱԿ-ի Անվտանգության խորհրդի մշտական անդամներ, պետք է պաշտպանեն Երկրորդ համաշխարհային պատերազմի արդյունքները և պատմական ճշմարտությունը, պահպանեն համաշխարհային խաղաղությունը և նպաստեն մեր մոլորակի զարգացմանը»,- ասել է Չինաստանի ԱԳՆ ղեկավարը։
Ավելի վաղ ՌԴ Անվտանգության խորհրդի մամուլի ծառայությունը հայտնել էր, որ ՌԴ Անվտանգության խորհրդի քարտուղար Սերգեյ Շոյգուն ժամանել է Պեկին՝ հանդիպելու Չինաստանի նախագահ Սի Ծինփինի և Չինաստանի արտգործնախարար Վան Իի հետ։
Բանակցությունների ընթացքում նախատեսվում է քննարկել անվտանգության ոլորտի երկկողմ հարցեր, ինչպես նաև միջազգային և տարածաշրջանային խնդիրներ։
