Փետրվարի 26-ին Հյուսիսային Կորեան վարժանքներ է անցկացրել Դեղին ծովում ռազմավարական թեւավոր հրթիռների արձակմամբ՝ իր միջուկային զսպման ուժերի ներուժի ցուցադրման շրջանակներում: Այս մասին հայտնում է Կորեայի կենտրոնական լրատվական գործակալությունը (KCNA):
Զորավարժությունների նպատակն էր ցուցադրել Կորեայի ժողովրդական բանակի կարողությունը՝ «ցանկացած տարածությունում հակահարված հասցնելու» և «միջուկային զենքի մարտական պատրաստվածությունը հակառակորդներին, որոնք խաթարում են ԿԺԴՀ-ի շուրջ անվտանգության իրավիճակը»:
Նշվում է, որ արձակումը տեղի է ունեցել Դեղին ծովում։ Ինչպես հայտնում է KCNA-ն, թեւավոր հրթիռները «1587 կմ ձվաձեւ հետագծով թռել են համապատասխանաբար 7961 և 7973 վայրկյան» և ճշգրիտ հարվածել թիրախին։
Հրթիռային վերջին զորավարժություններին մասնակցել է Հյուսիսային Կորեայի առաջնորդ Կիմ Չեն Ընը, ով գոհունակություն է հայտնել արդյունքից։
