BRICS-ի երկրները պետք է ամրապնդեն համագործակցությունը՝ պաշտպանելու իրենց տնտեսական շահերը՝ ի դեմս ԱՄՆ վարչակազմի «ագրեսիվ առեւտրային քաղաքականության»: Այս մասին խմբագրականում գրում է չինական Global Times-ը՝ միավորումն անվանելով «աշխարհի գլխավոր պատվարը Միացյալ Նահանգների միակողմանի մոտեցման դեմ»։
«Թրամփի վարչակազմի «Ամերիկան նախ» քաղաքականությունը, որն արտացոլված է բազմակողմ առևտրային համակարգի մարտահրավերների մեջ, ոչ միայն խաթարել է մատակարարման գլոբալ շղթաները, այլև մեծացրել է բիզնեսի անորոշությունը՝ ստեղծելով անկայուն և անկանխատեսելի առևտրային միջավայր», - գրում է թերթը:
Այնուհետև նշվում է, որ զարգացող երկրների համար նման միակողմանի միջոցների ազդեցությունը հատկապես ծանր է, քանի որ նրանք բախվում են առևտրի պայմանների վատթարացմանը, արտահանման սահմանափակմանը և արագ փոփոխվող գլոբալ մատակարարման շղթաներին հարմարվելու մարտահրավերին:
«Շատ երկրներ, որոնք ձգտում են խուսափել մաքսատուրքերի բարձրացումից, կարող են ստիպված լինել դժվար զիջումների գնալ», - կանխատեսում է թերթը, նշելով, որ դա կարող է «ժամանակավոր թեթևացում ապահովել», բայց անխուսափելիորեն կվնասի ներքին արդյունաբերությանը և երկարաժամկետ տնտեսական զարգացմանը:
