Ժողովրդավարության և օրենքի գերակայության ամրապնդման ուղղությամբ իրակացվում են մի շարք քայլեր, որոնցից մեկը սահմանադրական բարեփոխումներներն են, դրանք այս պահին ընթացիկ փուլում են։
Այս մասին Երևանում ընթացող Հայաստան-ԵՄ խորհրդարանական գործընկերության կոմիտեի 4-րդ նիստի ժամանակ ասաց ՀՀ արդարադատության նախարար Սրբուհի Գալյանը։
Նրա խոսքով՝ գործում է սահմանադրական բարեփոխումների համապատասխան խորհուրդը, կազմված է Սահմանադրության հայեցակարգը, «Այժմ աշխատում ենք Սահմանադրության նոր տեքստի վրա, որը, ըստ ստանձնած հանձնառության, պետք է պատրաստ լինի մինչև 2026 թվականի ընտրությունները»։
Գալյանը նշեց, որ Սահմանադրությունը շեշտադրելու է մարդու իրավունքները, այդ թվում սոցիալ-տնտեսական իրավունքները, ինչպես նաև պարունակելու է մի շարք դրույթներ՝ կապված կառավարման կարգի, տարբեր պետական մարմինների տեղի և դերի մասին։
«Իհարկե, նաև բազմաթիվ այլ կարգավորումներ կան»,– հավելեց նա։
