Վրաստանը որոշել է աջակցել Ուկրաինայի վերաբերյալ համեմատաբար չեզոք բանաձեւին, որն առաջարկվել է ՄԱԿ-ում Ամերիկայի Միացյալ Նահանգների կողմից։ Այս մասին լրագրողներին հայտնել է իշխող «Վրացական երազանք-Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն։
«Լավ կլիներ, որ մենք կարողանայինք խուսափել այս պատերազմից, որը հնարավոր էր, դրա համար էլ մենք քաղաքականության մեջ ենք, և դրա համար էլ ժողովուրդն ընտրել է մեզ, որպեսզի խուսափենք սպառնալիքներից, բայց ակնհայտ է նաև, որ այս ամենին պետք է վերջ տալ։
ԱՄՆ նախագահ Դոնալդ Թրամփը անում է ամեն ինչ, որպեսզի գործարքը կայանա, և, իհարկե, մենք կաջակցենք այս բանաձևին»,- ասել է Կալաձեն։
