Ֆրանսիայի նախագահ Էմանուել Մակրոնը ԱՄՆ նախագահ Դոնալդ Թրամփի հետ ԱՄՆ-ում հանդիպման ժամանակ ծրագրում է Վաշինգտոնին առաջարկել ԵՄ երկրներից և Բրիտանիայից ռազմական ուժեր տեղակայել Ուկրաինայում՝ որպես պայման Ռուսաստանի հետ ուկրաինական ճգնաժամը լուծելու նպատակով բանակցություններ սկսելու համար։
Այս մասին գրում է ամերիկյան Politico թերթը։«Փարիզի առաջարկը ներառում է մոտ 30 000 եվրոպացի զինվորների մասնակցություն, որտեղ Մեծ Բրիտանիան և Ֆրանսիան առաջատար դեր են խաղում», - մեջբերում է հրատարակությունը ԵՄ անանուն պաշտոնյայի խոսքերը։
Նշվում է, որ Մակրոնը կարող է առաջարկել խաղաղապահների հարցը պայման դնել ուկրաինական հակամարտության կարգավորման շուրջ Ռուսաստանի հետ բանակցություններ սկսելու համար։
Ավելի վաղ Միջազգային և ռազմավարական հարաբերությունների ֆրանսիական ինստիտուտից միջազգային հարաբերությունների փորձագետ Ռոմուալդ Սիորան հայտարարել էր, որ Թրամփը չի լսի Մակրոնին Ուկրաինայի հարցում՝ ուկրաինական ճգնաժամի վերաբերյալ Վաշինգտոնի և Փարիզի տարբեր դիրքորոշումների պատճառով։
