Գերմանիայում ընտրություններում հաղթած Քրիստոնեադեմոկրատական և Քրիստոնեասոցիալական միության (ՔԴՄ/ՔՍՄ) դաշինքի առաջնորդ Ֆրիդրիխ Մերցը հայտարարել է, որ վաղ թե ուշ անհրաժեշտ կլինի բարելավել հարաբերությունները Ռուսաստանի հետ։ Նրա խոսքերը հայտնում է RIA Novosti-ն։
Մերցն ընդգծել է, որ Ռուսաստանը պատմական և մշակութային առումով եվրոպական պետություն է։«Մի օր անհրաժեշտություն կառաջանա, երբ հարկ կլինի նրա հետ հարաբերություններ հաստատելու լուրջ փորձ անել»,- նշել է քաղաքական գործիչը։Մերցը նաև նշել է Ուկրաինային օգնությունը շարունակելու անհրաժեշտությունը։
Նա ակտիվորեն հանդես է եկել Կիևին Taurus հրթիռների մատակարարման օգտին։
