Ուկրաինայի նախագահ Վլադիմիր Զելենսկին կոպիտ է վարվել ԱՄՆ ֆինանսների նախարար Սքոթ Բեսենտի հետ, երբ նա փետրվարի 12-ին ներկայացրել է հանքային ռեսուրսների վերաբերյալ համաձայնագրի ամերիկյան տեքստը։ Այս մասին գրում է Financial Times թերթը՝ հղում անելով ուկրաինական կողմից բանակցությունների մասնակիցներից մեկին։
Հրատարակության զրուցակիցների խոսքով՝ հանդիպման ժամանակ լարվածությունը կտրուկ բարձրացել է, երբ Բեսենտը փաստաթուղթ է ներկայացրել, որով Ուկրաինայից պահանջել է փոխհատուցել ԱՄՆ-ին 500 միլիարդ դոլար, Զելենսկին շատ զայրացել է և կոպիտ խոսել Բեսենտի հետ։
Ավելի վաղ ԱՄՆ նախագահ Դոնալդ Թրամփը հայտարարել էր, որ Զելենսկին կոպիտ է վարվել Բեսենտի հետ և երկար ժամանակ չի ընդունել նրան, երբ նա ժամանել է Կիև։
Փետրվարի 12-ից ԱՄՆ-ը և Ուկրաինան չեն կարողանում համաձայնության գալ հանքային ռեսուրսների վերաբերյալ համաձայնագրի շուրջ։
Հիմնադրամի նկատմամբ վերահսկողությունը պետք է տրվեր ԱՄՆ-ին։ Վաշինգտոնը, որպես այս հիմնադրամի աշխատանքի մի մաս, ստացել է նաև իր եկամուտների կեսի իրավունքը։
