Իսրայելի իշխանությունները պաշտպանում են Գազայի հատվածի ճակատագրի վերաբերյալ ԱՄՆ նախագահ Դոնալդ Թրամփի առաջարկները։ Այս մասին երեքշաբթի օրը Սպիտակ տանը ԱՄՆ նախագահի հետ ճեպազրույցի ժամանակ հայտարարել է Իսրայելի վարչապետ Բենիամին Նեթանյահուն։
«Թրամփը այլ ապագա է տեսնում այս տարածքների համար, որը եղել է ահաբեկչության կենտրոնը, որտեղից մեզ վրա այդքան հարձակումներ են եղել։ Նա այլ պատկերացում ունի Գազայի հատվածի ապագայի վերաբերյալ, ես կարծում եմ, որ արժե ուշադրություն դարձնել, կարծում եմ, որ դա կարող է փոխել պատմությունը, և արժե իսկապես գնալ այս ճանապարհով»,-ասել է Նեթանյահուն:
Ավելի վաղ Թրամփը, մասնավորապես, թույլատրել էր Գազայի հատվածից պաղեստինցիներին մշտական հիմունքներով վերաբնակեցնել արաբական երկրներում։
