ԱՄՆ իշխանությունները անօրինական միգրանտներին արտաքսել են Հնդկաստան՝ այդ նպատակով օգտագործելով ռազմատրանսպորտային ինքնաթիռներ։ Այս մասին երկուշաբթի հայտնել է Reuters-ը։
Ամերիկացի պաշտոնյաներից Reuters-ի աղբյուրը հայտնել է, որ ամերիկյան ռազմական տրանսպորտային «C-17 ինքնաթիռը, որում եղել են միգրանտներ, ուղևորվել է Հնդկաստան»։
Նախկինում ԱՄՆ-ը օգտագործում էր ռազմական տրանսպորտային ինքնաթիռներ՝ անօրինական միգրանտներին Գվատեմալա, Պերու և Հոնդուրաս ուղարկելու համար։Ինչպես նշում է գործակալությունը, «սա միգրանտներին արտաքսելու թանկ մեթոդ է»։ Օրինակ՝ նրանց արտաքսումը Գվատեմալա արժեցել է մոտավորապես 4,7 հազար դոլար մեկ անձի համար։
