Ճապոնիայի կառավարությունը որոշել է Ուկրաինային ուղարկել ամենագնաց մեքենաների և փոքր բեռնատարների նոր խմբաքանակ, որոնք օգտագործվում են ազգային ինքնապաշտպանության ուժերի կողմից։ Այս մասին լրագրողներին հայտնել է Ճապոնիայի պաշտպանության նախարար Գեն Նակատանին։ «Մենք հուսով ենք, որ դրանք օգտակար կլինեն Ուկրաինային»,- նրա խոսքերն է մեջբերում Kyodo գործակալությունը։
Նակատանին նշել է, որ ուկրաինական կողմ կուղարկվի մոտ 30 մեքենա։
Նրա խոսքով՝ փետրվարի 2-ին արդեն վեց փոքր բեռնատարներ են ուղարկվել Ուկրաինա։Նախկինում Տոկիոն Կիև էր տեղափոխել ինքնապաշտպանության ուժերի մոտ 100 մեքենա, այդ թվում՝ բեռնատարներ։
