Հնդկաստանի վարչապետ Նարենդրա Մոդին հաջորդ շաբաթ Սպիտակ տանը ԱՄՆ նախագահ Դոնալդ Թրամփի հետ հանդիպման հրավեր է ստացել։ Այս մասին հայտնում է Bloomberg-ը՝ վկայակոչելով աղբյուրին։ Գործակալությունը լրացուցիչ մանրամասներ չի հաղորդում։ Ավելի վաղ PTI-ն հայտնել էր, որ Մոդիի այցն ԱՄՆ նախատեսված է փետրվարի 12-13-ը։
Ինչպես նշվում է, Հնդկաստանի կառավարության ղեկավարը Ֆրանսիա այցելելուց հետո երկօրյա այցով կժամանի Վաշինգտոն, որտեղ փետրվարի 10-ին և 11-ին կմասնակցի արհեստական ինտելեկտի գագաթնաժողովին։Հունվարի վերջին Մոդիի հետ հեռախոսազրույցից հետո Թրամփը հայտարարեց, որ Հնդկաստանի վարչապետը պատրաստվում է փետրվարին այցելել ԱՄՆ։
Հնդկաստանի արտգործնախարարության խոսնակ Ռանդհիր Ջեյսվալը ճեպազրույցում հաստատել է, որ ամերիկյան և հնդկական կողմերն աշխատում են վարչապետի՝ ԱՄՆ կատարելիք այցի վրա։
