Միացյալ Նահանգները կարող է չսահմանափակվել Չինաստանի դեմ մաքսատուրքեր սահմանելով և նոր միջոցներ կհայտարարի Պեկինի դեմ։ Երկուշաբթի նման հայտարարություն է արել ԱՄՆ պետքարտուղար Մարկո Ռուբիոն։«Այո, իհարկե»,-ասել է նա՝ պատասխանելով Fox News-ի լրագրողի հարցին, թե արդյոք Չինաստանը պետք է ինչ-որ բան սպասի ԱՄՆ նախագահ Դոնալդ Թրամփի կողմից արդեն իսկ հայտարարված մաքսատուրքերից զատ:
Ռուբիոն ասել է, որ նոր քայլեր կձեռնարկվեն, եթե Չինաստանը շարունակի «խաբել և գողանալ»:
Թրամփը փետրվարի 1-ին հրամանագիր է ստորագրել, որով մաքսատուրքեր են սահմանվում Կանադայի, Չինաստանի և Մեքսիկայի ապրանքների համար։
Փաստաթղթի համաձայն՝ Մեքսիկայից և Կանադայից ներմուծման համար սահմանվում է 25% մաքսատուրք (10%՝ Կանադայի էներգետիկ ռեսուրսների համար)։ Չինաստանից ապրանքների վրա լրացուցիչ մաքսատուրքեր են սահմանվում 10%-ի չափով։
