Իրանը պատրաստ է անցնել BRICS միասնական արժույթի կիրառմանը, եթե մասնակից երկրները որոշեն կիրառել այն։ Այս մասին հայտարարել է Իսլամական Հանրապետության կառավարության պաշտոնական ներկայացուցիչ Ֆաթեմ Մոհաջերանին։
«Եթե BRICS-ի անդամ երկրները գան միասնական և ընդհանուր արժույթ օգտագործելու եզրակացության, մենք դա կանենք նաև ազգային շահերից ելնելով», - ասել է Մոհաջերանին ամենշաբաթյա ճեպազրույցում:
Ավելի վաղ ԱՄՆ նախագահ Դոնալդ Թրամփը սպառնացել էր 100%-ով մաքսատուրքեր սահմանել BRICS երկրների ապրանքների վրա, եթե նրանք նոր արժույթ ստեղծեն կամ հրաժարվեն դոլարից։ ՌԴ նախագահի մամուլի քարտուղար Դմիտրի Պեսկովը հայտնել է, որ BRICS-ում միասնական արժույթ ստեղծելու մասին չի խոսվել և չի էլ խոսվում, քննարկվում է ընդհանուր ներդրումային հարթակների ձևավորումը։
BRICS խումբը հիմնադրվել է 2006թ., 2011 թվականին կազմին միացել են Հարավային Աֆրիկան՝ Բրազիլիան, Ռուսաստանը, Հնդկաստանը և Չինաստանը։
