Սլովակիայի նախագահ Պյոտր Պելեգրինին և վարչապետ Ռոբերտ Ֆիցոն հայտարարել են, որ երկրի իշխանությունները չեն դիտարկում Եվրամիությունից և ՆԱՏՕ-ից դուրս գալու հնարավորությունը։ «Ոչ ոք չի պատրաստվում, չի կազմակերպում կամ չի առաջարկում, որ Սլովակիայի ապագան կարող է լինել այս կազմակերպություններից դուրս», - Պելեգրինիի խոսքերն է մեջբերում Dennik N-ն։
Ֆիցոն իր հերթին նշել է, որ «համաշխարհային քաղաքականության նոր մարտահրավերները կարող են լուծվել միայն ԵՄ-ին և ՆԱՏՕ-ին Բրատիսլավայի անդամակցության հիման վրա»։
Սլովակիայի վարչապետը բերել է ԱՄՆ նախագահ Դոնալդ Թրամփի պաշտոնավարումից հետո «աննախադեպ համաշխարհային առևտրային պատերազմի» մեկնարկի օրինակը և հիշատակել Գրենլանդիայի հանդեպ ամերիկացի առաջնորդի հավակնությունները։
