Առնվազն 70 պաղեստինցի է զոհվել 2025 թվականի սկզբից Հորդանան գետի արեւմտյան ափին Իսրայելի ռազմական գործողությունների հետեւանքով։ Նման տվյալներ է հրապարակել Պաղեստինի առողջապահության նախարարությունը Telegram ալիքում։
Գերատեսչության տվյալներով՝ զոհերի թվում են 10 անչափահասներ։ Մահվան դեպքերի ամենամեծ թիվը գրանցվել է Ջենին քաղաքում (38)։
Իսրայելի պաշտպանության բանակի մամուլի ծառայությունը հունվարի 21-ին հայտնել է, որ զինվորականները լայնածավալ հակաահաբեկչական գործողություն են սկսել Ջենինի շրջանում, որը կոչվում է «Երկաթե պատ»։
Ինչպես հայտնում է The Times of Israel-ը՝ վկայակոչելով աղբյուրին, գործողությունը սկսվել է Ջենինի ենթակառուցվածքներին անօդաչու թռչող սարքերի հարվածներով, որից հետո քաղաք են մտել Իսրայելի անվտանգության ուժերը։
