Վարչապետ Նիկոլ Փաշինյանի՝ Շվեյցարիայում արտաբերած մտքերը, որոնք հակված են կասկածի տակ դնելու Հայոց ցեղասպանության իրողությունը և ենթադրում են, որ դրա ճանաչման համար պայքարը ոգեշնչվել է Խորհրդային միության կողմից, պատմական տեսանկյունից ծիծաղելի են, բարոյական տեսանկյունից՝ անընդունելի, իսկ քաղաքական առումով՝ սարսափելի սխալ:
Euromedia24-ի հետ զրույցում այս մասին նշեց Ֆրանսիայի հայկական կազմակերպությունների համակարգող խորհրդի (CCAF) համանախագահ, «Նուվել դը Արմենի» ամսագրի գլխավոր խմբագիր Արա Թորանյանը՝ մեկնաբանելով շվեյցարահայ համայնքի ներկայացուցիչների հետ հանդիպման ընթացքում Նիկոլ Փաշինյանի՝ Հայոց ցեղասպանության վերաբերյալ ասված խոսքերը:
Քանի որ Նիկոլ Փաշինյանն իր ելույթում խոսել էր Հայոց ցեղասպանության պատմությանը վերադառնալու անհրաժեշտության մասին, ֆրանսահայ գործիչն առաջին հերթին առանձնացնում է հարցի պատմական կողմը՝ շեշտելով, որ պատմական տեսանկյունից վարչապետի բարձրացրած հարցերը ծիծաղելի են, քանի որ բոլոր պատմաբանները և այդ թվում՝ թուրք պատմաբանների վերջին սերունդը ճանաչել են ցեղասպանությունը:
Մանրամասները՝ տեսանյութում:
Հեղինակ՝ Արամ Սարգսյան
