«Նիկոլ Փաշինյանն ասում է, որ 3–րդ հանրապետության պատմության մեջ մեր ամենամեծ սխաներից մեկն է եղել բանակի սրբագործումը, սրբադասումը։
Սա ուղիղ հակադրության մեջ չի մտնո՞ւմ մեր բանակի հիմնադիր Վազգեն Սարգսյանի խոսույթին, որը հորդորում էր երեխայի պես վերաբերվել բանակին»,– նման հարց լրագրողն ուղղեց ԱԺ պաշտպանության հարցերի մշտական հանձնաժողովի նախագահ Անդրանիկ Քոչարյանին։
«Այո՛, հենց այդպես էլ պետք է վերաբերվենք։ Եթե այդպես չվերաբերվենք՝ բանակը չի լինի այնպիսին, որ պաշտպանի մեզ յուրաքանչյուրիս՝ և՛ մեր երկիրը, և՛ նրա քաղաքացուն»,– պատասխանեց նա։
Հարցին, թե ինչու այդ դեպքում չընդդիմացավ, երբ Փաշինյանը դա հայտարարեց ԱԺ ամբիոնից, Քոչարյանն ասաց․
«Ես որտեղ որ պետք է, գտնում եմ իմ կարծիքը հնչեցնելու տարբերակներ»։
