Բաթումում տեղի է ունենում Վրաստանի երրորդ նախագահ Միխեիլ Սաակաշվիլիի ազատ արձակման պահանջով ցույցը։ Այս մասին գրում է NewsGeorgia-ն։Հանրահավաքը կազմակերպել էր Ազգային շարժման Աջարիայի կառույցը։Քաղաքական գործչի հարյուրավոր կողմնակիցներ խորհրդանշական կերպով հավաքվել են ծովային նավահանգստում։
Երդմնակալության միջոցառումների մի մասը տեղի ունեցավ այնտեղ, երբ ուղիղ 21 տարի առաջ Սահակաշվիլին առաջին անգամ ստանձնել էր նախագահի պաշտոնը։ Սաակաշվիլիի ազատ արձակման թեման վաղուց դուրս է եկել քաղաքական օրակարգից։ Ինքը՝ նախկին նախագահը, վերջերս «պարադոքսալ» է անվանել, որ ներկայիս բողոքի ակցիաների բազմաթիվ մասնակիցներ «արդարացնում են» իր ազատազրկումը։ Քաղաքական գործչի կողմնակիցները կարծում են, որ Վրաստանում հասարակական կարծիքի վրա ազդել է «ռուսական քարոզչությունը, որի վրա Կրեմլը երկար տարիների ընթացքում տասնյակ միլիոնավոր դոլարներ է ծախսել»։
«Սահակաշվիլին Վրաստանի նոր պետության հիմնադիրն ու ճարտարապետն է։ Ուղիղ 21 տարի առաջ Սահակաշվիլին խորհրդարանի առջև բարձրացրեց ԵՄ դրոշը և ասաց պատմական խոսքերը. Վրաստանը եվրոպական ընտանիքի մի մասն է, և մենք՝ վրացիներս, անպայման կդառնանք այս ընտանիքի լիիրավ անդամներ», - ասել է Կախա Միքելաձեն։
