Բելառուսի նախագահ Ալեքսանդր Լուկաշենկոն հայտարարել է, որ Հայաստանի ղեկավարությունը չպետք է վիրավորվի այն փաստից, որ ինքը ժամանակին աջակցել է Ադրբեջանին։
Անդրադառնալով Հայաստանի՝ դեպի Արևմուտք կողմնորոշվելու մասին՝ նա նշել է․
«Նրանք սկսեցին սիրախաղ անել ԵՄ-ի հետ. ամենավտանգավոր խաղը։ Փաշինյանը կկործանի Հայաստանը։ Մենք չենք կարող թույլ տալ պատերազմ Կովկասում»,- նշել է Լուկաշենկոն։
Նա նաև մեկնաբանել է հայկական կողմի մեղադրանքները, որ Մինսկն աջակցել է Բաքվին Լեռնային Ղարաբաղի հակամարտության ժամանակ։
«Փաշինյանն ինքը հրաժարվեց Լեռնային Ղարաբաղից, թեև այդ պահին [Ադրբեջանի նախագահ] Իլհամ [Ալիևը] պատրաստ էր համաձայնել, որ դա տարածք է, որտեղ Հայաստանը լուրջ ազդեցություն կունենա»,- նշել է Լուկաշենկոն։
