Ռուսաստանը կարևորում է Հայաստանի հետ իր երկկողմ կապերը և մտադիր է դրանք էլ ավելի զարգացնել։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Լրագրողների հետ զրույցում Պեսկովն ասել է, որ երկու երկրների համագործակցությունը «զգալի դիվիդենտներ» է տալիս Հայաստանին և նրա ժողովրդին, և Ռուսաստանի Դաշնությունը դա հաշվի է առնում։
«Մենք շարունակում ենք ելնել հիմնականից՝ մենք ունենք մեր երկկողմ հարաբերությունները Հայաստանի հետ, մենք թանկ ենք գնահատում այդ հարաբերությունները և մտադիր ենք դրանք էլ ավելի զարգացնել»,- ասել է նա։
Նրա խոսքով՝ կարևոր է նաև երկու երկրների փոխգործակցությունը ինտեգրացիոն գործընթացների շրջանակներում, այդ թվում՝ Եվրասիական տնտեսական միության (ԵԱՏՄ) շրջանակներում։
