ՀԴԲ-ի գործակալները հանկարծակի այցելել են հոլիվուդյան դերասան Բեն Աֆլեքին։ Այս մասին հայտնում է Page Six-ը։
Հունվարի 12-ին ՀԴԲ-ի գործակալներին լուսանկարել են Բեն Աֆլեքի տան մոտ՝ Բրենթվուդում, Կալիֆորնիա։ Գործակալության ներկայացուցիչը լրագրողներին ասել է, որ աշխատանքային խմբի անդամներն այցելել են Խաղաղօվկիանոսյան Պալիսադես շրջանի բնակիչներին «անօդաչու թռչող սարքերի չարտոնված գործունեության հետ կապված»:
Աղբյուրի համաձայն՝ ՀԴԲ-ի գործակալները ցանկացել են իմանալ, թե արդյոք Բեն Աֆլեքը դեռևս ունի CCTV տեսագրություններ, որոնք ցույց են տալիս, թե ինչպես է մասնավոր անօդաչու թռչող սարքը վնասել հրշեջ ինքնաթիռներից մեկը։
Հունվարի 7-ին Լոս Անջելեսի արևմտյան հատվածում քամուց բռնկված անտառային հրդեհ է սկսվել: Տեղական իշխանությունները պարտադիր տարհանում են հայտարարել Խաղաղօվկիանոսյան Պալիսադես շրջանի բնակիչների համար։ Հունվարի 8-ի դրությամբ հրդեհի տարածքը հասել է 13,44 քմ. կմ., ԱՄՆ նախագահ Ջո Բայդենը Կալիֆորնիայում մեծ աղետ է հայտարարել։
