ԱՄՆ-ից Դանիա է ժամանել ևս երեք F-35 կործանիչ։ Այս մասին հաղորդվում է թագավորության զինված ուժերի մամուլի հաղորդագրությունում։
Ինքնաթիռները օդ են բարձրացել Արիզոնայի Լյուկ ռազմաօդային բազայից, կանգ են առել Ազորյան կղզիներում և վայրէջք կատարել Սկրիդստրուպ ռազմաօդային բազայում։ Նրանց առաքումը կատարվում է ըստ ժամանակացույցի: Ինչպես նախատեսվում էր, թագավորության համար արտադրվել է, ընդհանուր առմամբ, 17 F-35 կործանիչ, որից 11-ն արդեն Դանիայում է։
Մնացած վեցն օգտագործվում են Արիզոնայի ավիաբազայում օդաչուների և տեխնիկների պատրաստման համար:
Դանիան ԱՄՆ-ից գնել է 27 F-35 կործանիչ, որոնք կփոխարինեն F-16 կործանիչներին, որոնք թագավորությունն օգտագործել է 1980-ականներից։
