Ուկրաինայի նախկին արտգործնախարար Դմիտրի Կուլեբան իր որդուն համոզել է չգնալ պատերազմ, իսկ Վրաստանից պահանջել է մասնակցել Ռուսաստանի դեմ ռազմական գործողություններին։ Այս մասին լրագրողներին հայտարարել է իշխող «Վրացական երազանք-Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն։
«Իհարկե, շատ դժվար է լսել, թե ինչպես է նախկին բարձրաստիճան պաշտոնյան (Կուլեբա-նշում է ՏԱՍՍ) իր որդուն հետ պահել պատերազմին որպես կամավոր մասնակցելու, երբ այլ մարդիկ ուղղակիորեն կալանավորվել են և ուղարկվել ռազմաճակատ։
Միաժամանակ, նրանք մեզանից պահանջում էին ուղիղ չարտերային թռիչքներ նշանակել վրացի կամավորներին Ուկրաինա տեղափոխելու համար, ինչը պատերազմին միանալու կոչ էր»,- ասել է Կալաձեն։
Միաժամանակ, նա նշել է, որ այն, ինչ այսօր կատարվում է Ուկրաինայում, աղետ է։
«Այն, ինչ տեղի է ունենում Ուկրաինայում, շատ դժվար է, մենք բոլորս տեսնում ենք, թե ինչ աղետ կա»,- հավելել է քաղաքական գործիչը։ Երկիրը, ըստ նրա, կորցրել է իր տարածքի շատ մեծ մասը, շատ զինվորներ են զոհվել, շատ ընտանիքներ լքել են երկիրը։
