Եվրամիությունը լրացուցիչ 148 միլիոն եվրո է հատկացրել Ուկրաինային և նրա փախստականներին Մոլդովայում՝ կապված ուկրաինական հակամարտության հետ: Այս մասին հայտնում է Եվրահանձնաժողովը (ԵՀ)։
«148 միլիոն եվրո նոր ֆինանսավորումը կշարունակի աջակցել կենսական հումանիտար օգնությանը ինչպես Ուկրաինայում, այնպես էլ Մոլդովայում, ինչպես նաև կհասցնի Եվրահանձնաժողովի ընդհանուր մարդասիրական օգնությունը ավելի քան 1,1 միլիարդ եվրոյի», - ասվում է ԵՀ-ի հայտարարության մեջ:
Դրանում բացատրվում է, որ 140 միլիոն եվրո կուղղվի Ուկրաինայում մարդասիրական ծրագրերին: «Ֆինանսավորումը կօգտագործվի շտապ օգնության համար, ներառյալ սնունդը, ապաստանը, մաքուր ջուրը, առողջապահությունը և ձմռանը պաշտպանությունը», - ավելացրել է Եվրահանձնաժողովը:
Նրա խոսքով՝ առաջնահերթություններն են Ուկրաինայի արևելյան և հարավային հակամարտություններից տուժած շրջանների խոցելի բնակչության աջակցությունը։
Մնացած 8 միլիոն եվրոն ուղղվելու է Մոլդովայում հումանիտար ծրագրերին՝ ուկրաինացի փախստականներին աջակցելու համար:
