Դանիայի կառավարությունը հաստատել է արկտիկական տարածքների վերաբերյալ ԱՄՆ նոր վարչակազմի հետ երկխոսության պատրաստակամությունը։ Այս մասին Երուսաղեմում կայացած մամուլի ասուլիսում հայտարարել է Դանիայի արտգործնախարար Լարս Լոկկե Ռասմուսենը։
«Ամերիկացիները որոշակի մտահոգություններ ունեն Արկտիկայում անվտանգության իրավիճակի հետ կապված, որը կիսում է դանիական կողմը», - Reuters-ը մեջբերում է թագավորության արտգործնախարարի խոսքերը:
«Ուստի, Դանիան, սերտ համագործակցելով Գրենլանդիայի հետ, պատրաստ է շարունակել բանակցությունները ԱՄՆ ընտրված նախագահ Դոնալդ Թրամփի հետ՝ ամերիկյան կողմի օրինական շահերն ապահովելու նպատակով»,- ասել է նախարարը։
Հունվարի 7-ին Թրամփը հայտարարեց, որ Գրենլանդիան պետք է դառնա Միացյալ Նահանգների մի մասը՝ պաշտպանվելու չինական և ռուսական սպառնալիքներից։
