Պաղեստինյան արմատական ՀԱՄԱՍ շարժումը վերջին մի քանի ամիսների ընթացքում ձեռք է բերել հազարավոր մարտիկներ՝ լուրջ վտանգ ներկայացնելով իսրայելական բանակի համար, որը 2023 թվականի հոկտեմբերից ռազմական գործողություն է իրականացնում Գազայի հատվածում։ Այս մասին գրում է The Wall Street Journal-ը (WSJ)՝ վկայակոչելով աղբյուրներին։
Զինյալները անսպասելի հարձակումներ են իրականացնում ընդամենը մի քանի հոգուց բաղկացած փոքր խմբերով՝ օգտագործելով հրազեն և հակատանկային զինատեսակներ, որոնք հատուկ ռազմական պատրաստություն չեն պահանջում։
ՀԱՄԱՍ-ը խոստանում է իր կողմնակիցներին և նրանց ընտանիքներին ապահովել սննդով և բուժօգնությամբ, նշում են թերթի զրուցակիցները։
«ՀԱՄԱՍ-ի ուժերը վերականգնելու արագությունը գերազանցում է այն արագությունը, որով Իսրայելի պաշտպանության ուժերը ոչնչացնում են նրանց: Գազայի հատվածում շարժման նոր առաջնորդ Մուհամմեդ Սինվարը վերահսկում է ամեն ինչ», - հրատարակությանը ասել է իսրայելական բանակի պաշտոնաթող գեներալ Ամիր Ավիվին:
Ըստ WSJ-ի՝ Սինվարը հանդես է գալիս Գազայի հատվածում մշտական, այլ ոչ թե ժամանակավոր զինադադարի մասին համաձայնագրի կնքման կողմնակից։ «Համասը հենց այն վիճակում է, որ թելադրի իր պայմանները։
