Լոս Անջելեսի շրջանի համանուն տարածքում այրվող Palisades հրդեհը կարող էր սկսվել Ամանորի գիշերը հրավառության պատճառով, գրում է Washigton Post-ը։
Պարբերականի տվյալներով՝ խաղաղօվկիանոսյան Պալիսադես շրջանում հունվարի 1-ի գիշերը բռնկված հրդեհը մարվել է մոտ չորս ժամում, և այն մեկուսացվելուց հետո Լոս Անջելեսի շրջանի հրշեջ վարչությունը հայտարարել է, որ միջոցներ կձեռնարկի կանխելու վերաբռնկումը։
Ինչպես ընդգծվում է հրապարակման մեջ, անձնակազմի սղության և այլ միջադեպերին արձագանքելու անհրաժեշտության պատճառով հրշեջների համար հաճախ դժվար է հետևել, թե արդյոք մարված հրդեհը վերսկսվել է։
