Առնվազն հինգ պաղեստինցի է զոհվել իսրայելական բանակի կողմից Գազա քաղաքի Սալահ ադ-Դին դպրոցի վրա հարվածների հետևանքով։ Այս մասին հայտնում է քաթարական Al Jazeera հեռուստաալիքը։
Գազայի կենտրոնում գտնվող ուսումնական հաստատությունը, որն օգտագործվում էր փախստականներին տեղավորելու համար, ենթարկվել է մի շարք հարձակումների։ Հրետանային գնդակոծության հետևանքով վիրավորվել են ևս մի քանի մարդ, որոնց թիվը չի նշվում։
Ավելի վաղ հեռուստաալիքը հայտնել էր պայթյունների մասին նույն քաղաքի հյուսիսում, որտեղ իսրայելցի զինվորականները հարվածներ էին հասցնում բնակելի շենքերին։
