Euromedia24 on Play Store Euromedia24 on App Sore
BNB

$605.85

BTC

$83755

ADA

$0.655969

ETH

$1830.24

SOL

$120.69

10 °

Yerevan

6 °

Moscow

23 °

Dubai

9 °

London

14 °

Beijing

10 °

Brussels

23 °

Rome

9 °

Madrid

BNB

$605.85

BTC

$83755

ADA

$0.655969

ETH

$1830.24

SOL

$120.69

10 °

Yerevan

6 °

Moscow

23 °

Dubai

9 °

London

14 °

Beijing

10 °

Brussels

23 °

Rome

9 °

Madrid

«Ժողովուրդ». Վարչապետի աշխատակազմի ղեկավարը, պատգամավոր դարձած խորհրդականը խոչընդոտում են գործարարներին

«Ժողովուրդ» օրաթերթը գրում է.

«Պարզվում է, որ ոչ միայն նախկին իշխանության ժամանակ պաշտոն զբաղեցնող անձինք են կոռուպցիոն ռիսկերի համար կասկածի տակ, այլ նաև կոռուպցիան մերժել խոստացած, բայց խոստումը չպահած այս իշխանությունը։

Պատմությունը ներկայացնենք հիմնավոր. ArmLur.am-ին դիմել են մի խումբ տնտեսվարողներ, ովքեր թունաքիմիկատներ են ներկրում տարբեր երկրներից։

Նրանք միաձայն պնդում են, որ նրանց առջև դրված արգելքների արմատներն ավելի խորն են, քան թվում է։

Բանն այն է, որ Ալեքսանդր Մելսիկի Ավետիսյանը, ով վերջերս մանդատ ստացավ և Ազգային ժողովում փոխարինում է Նարեկ Զեյնալյանին, նախկինում զբաղվելով ագրոքիմիական նյութերի վաճառքով և ներմուծմամբ՝ վարչապետի խորհրդական եղած ժամանակահատվածում միջամտել է թունաքիմիկատների գրանցման Armlur.am-ի հետ զրույցում նրանք պնդում են, որ Ավետիսյանը, որպես ագրոքիմիական նյութերի ձեռնարկատիրական ոլորտին քաջածանոթ և որպես Վարչապետի խորհրդական, օգտվելով իր նկատմամբ առկա վստահությունից, օգտագործելով ի պաշտոնե իր ազդեցությունը, տարբեր պետական պաշտոնյաների համոզում է, որ հատկապես չինական և հնդկական արտադրության պարարտանյութերը և թունաքիմիկատները անորակ են և վնասակար, իսկ նույն երկրներում արտադրված թունաքիմիկատները նաև առաջացնում են օնկոլոգիական հիվանդություններ։

Արդյունքում՝ չինական և հնդկական ծագում ունեցող ագրոքիմիական նյութերը, Ավետիսյանի ազդեցությամբ, ՍԱՏՄ-ն չի գրանցում։ Այստեղ հետաքրքիրն այն է, որ որևէ գիտական վերլուծություն և հետազոտություն չկա, թե արդյոք չինական և հնդկական թունաքիմիկատները ունե՞ն քաղցկեղածին տարրեր, թե՞ ոչ։

Մեզ անգամ չհաջողվեց գտնել վերջնարդյունք ունեցող գիտական որևէ հոդված կոնկրետ այս թունաքիմիկատների մասին։ ArmLur.am-ին դիմած տնտեսվարողները պնդում են, որ հիվանդությունների առաջացման ռիսկ ունեցող դեղերն անգամ չեն էլ վաճառվում։

Իսկ չինական և հնդկական թունաքիմիկատների դեպքում դրանց հիվանդություններ առաջացնելու ռիսկը հաշվարկված չէ, դա կախված է օգտագործման եղանակից և ժամկետներից։ «Դա արդեն գյուղատնտեսի խղճին է, քիմիկատը ներարկելուց քանի օր հետո ապրանքը շուկա կհասցնի՝ այստեղ քիմիկան վաճառողի մեղքի բաժինը զրո է»,- ArmLur.am-ի հետ զրույցում վրդովված պատմում էին քիմակատներ ներկրողները։

Նրանք պնդում էին նաև, որ Ալեքսանդր Ավետիսյանի նկատմամբ բացահայտ արտոնյալ վերաբերմունք է եղել մինչ նրա ԱԺ պատգամավոր դառնալը՝ մասնակցելով թունաքիմիկատներ ներկրող ընկերությունների սեփականատերերի ժողովին։

ArmLur.am-ին պատմեցին նաև, որ «Պեստիցիդների և ագրոքիմիկատների գրանցման հանձնաժողովի» նիստերը չեն կայանում, կայացածներն էլ խոչընդոտվում են, քանի որ Ավետիսյանը, չլինելով նշված հանձնաժողովի անդամ, մասնակցել է նիստերին և ազդել է որոշումների կայացման վրա։

ՍԱՏՄ-ից ArmLur.am-ին փոխանցեցին, որ Ալեքսանդր Ավետիսյանը երբևէ չի մասնակցել միջգերատեսչական նիստերին։ Ալեքսանդր Ավետիսյանը «Ժողովուրդ» օրաթերթի հետ զրույցում ևս նշեց, որ չի մասնակցել այդ ժողովներին։

«Երբևէ չեմ մասնակցել պեստիցիդների գրանցման հանձնաժողովի որևէ նիստի։ Անհասկանալի է, թե որտեղից են դա եզրակացրել»,- մեզ հետ զրույցում ասաց ԱԺ պատգամավոր Ալեքսանդր Ավետիսյանը։

Տնտեսվարողները պնդում են՝ Ավետիսյանը մասնակցել է, իսկ 2-րդ կողմի պատասխանը բացասական է, սակայն փաստն այն է, որ որևէ արձանագրություն չկա մասնակցության կամ չմասնակցության վերաբերյալ։

Ավետիսյանը հերքում է նիստերին մասնակցելու լուրերը, սակայն չի հերքում, որ ՍԱՏՄ հաճախ է այցելել։ «Հաճախ այցելել եմ ՍԱՏՄ, և նաև իմ անուղղակի մասնակցությամբ իրականացվել են փոփոխություններ ի նպաստ մեր երկրի, մեր հող ու ջրի, մեր երեխաների առողջության։

Փոփոխությունների առնչությամբ տեսչական մարմնի կապը ևս անուղղակի է»,- ասաց Ալեքսանդր Ավետիսյանը։

«Ավետիսյանն իր պաշտոնական դիրքը օգտագործում է ի բարօրություն իրեն և/կամ իր մերձավորների, միևնույն ժամանակ արհեստականորեն այլ անձանց համար ստեղծում է ոչ արդար մրցակցային պայմաններ։

Ավետիսյանը, հակառակ իր՝ ընդդեմ չինական և հնդկական արտադրության ագրոքիմիկատների ներկրման «սկզբունքի», իր հետ փոխկապակցված ընկերությունների անունով ներմուծում է չինական արտադրության պարարտանյութեր, բացի այդ համագործակցում է ՀՀ ռուսական ու հորդանանյան արտադրանք ներմուծող կոնկրետ կազմակերպության հետ և իր մերձավորների միջոցով վերավաճառում է նրանց՝ ՀՀ ներմուծված «անվնաս» թունաքիմիկատները»,- պատմում են տնտեսվարողները։

Բողոքը բարձրաձայնող քաղաքացիները հավաստիացնում են, որ այս ամենի մեջ լուրջ ներգրավվածություն ունի նաև վարչապետի աշխատակազմի ղեկավար Արայիկ Հարությունյանը, ով աջակցում է Ալեքսանդր Ավետիսյանին։

ArmLur.am-ը հարցումով դիմել է նաև Արայիկ Հարությունյանին՝ պարզելու, թե նա ինչ ներգրավվածություն ունի այս գործում։ ՍԱՏՄ-ից ArmLur.am-ին բացատրեցին․ «Համաձայն «Բուսասանիտարիայի մասին» ՀՀ օրենքի՝ ՀՀ ներմուծվող, Հայաստանում արտադրվող և շրջանառվող պեստիցիդները և ագրոքիմիկատները պարտադիր ենթակա են պետական գրանցման, որն իրականացվում է միջգերատեսչական հանձնաժողովի եզրակացության հիման վրա:

Տեսչական մարմինն ինքնուրույն գրանցման եզրակացություն տալու կամ գրանցումը մեժելու լիազորություն չունի»։

Ստացվում է, որ Տեսչական մարմինը ինքնուրույն գրանցման եզրակացություն տալու կամ գրանցումը մերժելու լիազորություն չունի, սակայն փաստացի նման գործողություններն իրականացվել են վերը նշված անձանց միջամտությամբ։

«Տնտեսավարողները պետք է ներկրեն այն կազմակերպության արտադրանքը, որը սահմանված կարգով գրանցվել է: Նույն ցուցանիշներով, սակայն այլ երկրների և արտադրողների արտադրած թունաքիմիկատներ չեն կարող ներմուծվել:

Անհիմն մերժումները՝ թիրախավորելով որևէ երկրի, բացառվում են: Մերժումներն ունեն հիմք, իսկ Տեսչական մարմինն իր գործունեությունն ու վերահսկողական գործառույթները կազմակերպում է բացառապես իրավական ակտերով սահմանված պահանջների շրջանակներում»,- ասված է ՍԱՏՄ-ի պատասխանում։

Տնտեսվարողները պնդում են, որ Ալեքսանդր Ավետիսյանը իր մերձավորների մասնակցությամբ այլ ընկերություններից գնում, ապա ավելի թանկ գնով վաճառում է թունաքիմիկատները։

Ավետիսյանի խոսքով՝ առնվազն վերջին մի քանի տարվա ընթացքում չկա իր կամ իր որևէ մերձավորի պատկանող ընկերություն, որը զբաղվում է թունաքիմիկատների ներկրմամբ։

Կա ևս մեկ ընկերություն, որի հետ կապ է ունեցել իր մերձավորներից մեկը, այդ ընկերության գործունեությունը ավելի քան չորս տարի առաջ դադարեցվել է։

Ուսումնասիրության ընթացքում ArmLur.am-ը բախվել է մի շարք խնդիրների, որոնց բացահայտումը կլինի շարունակելի»:

Լրահոս

ԱՄՆ-ն ու Իսրայելը ավերիչ հարվածներ են նախապատրաստում Իրանի միջուկային օբյեկտների դեմ
Գրոսմայստերներ Էլինա Դանիելյանը և Լիլիթ Մկրտչյանը գտնվում են առաջատարների շարքում
ԱՄՆ-ն ակնկալում Է Իրանում ռազմական գործողություններն ավարտել մինչեւ աշուն
Հայ դատի գործիչները հանդիպումներ են ունենում ԱՄՆ կոնգրեսականների հետ` Ադրբեջանի նկատմամբ պատժամիջոցներ կիրառելու համար
Պուտինի խորհրդականը կարող է այցելել Վաշինգտոն․ Պեսկովը հաստատում է
Շտապ
Ռազմական հակամարտությունը կարող է անխուսափելի լինել․ Ֆրանսիայի ԱԳ նախարարը զգուշացրել է Իրանին
Amazon-ը TikTok-ը գնելու առաջարկ է արել
Իսրայելի ռազմաօդային ուժերը հարձակվել են Դամասկոսի հետազոտական ​​կենտրոնի վրա
Քաղաքացիներն ակցիա են իրականացրել՝ ի աջակցություն Վարդան Ղուկասյանի (տեսանյութ)
Կարևոր
Եթե ձեր թեկնածուն չի հաղթել, և «քյոմագի» կարիք ունեք, ինչո՞ւ ձեզ համարժեք չեք պահում․ Արմեն Աշոտյան
Իրանի դեմ ԱՄՆ-ի և Իսրայելի խոշորածավալ հարձակման հավանականությունը երբեք այսքան բարձր չի եղել, քան այժմ․ Արմեն Այվազյան (տեսանյութ)
Լը Պենը պատրաստվում է դիմել ՄԻԵԴ
Երկրաշարժի զոհերի թիվը գերազանցել է 3000-ը
Ոստիկանության Գառնիի բաժնի պետը Նոր Հաճնի կամրջի վրա փրկել է ինքնասպանության փորձ կատարող 35-ամյա տղամարդու կյանքը
Բարձր վտանգավորությամբ թմրանյութերի շրջանառությունն աճել է ՀՀ-ում
Կարևոր
Լեռնային Ղարաբաղի հակամարտությունը մնում է չլուծված․ Կանադայի ԱԳ նախարար
Իրանը փակել է օդային տարածքը և բանակը բերել մարտական պատրաստության վիճակի
Մյանմայի ափերի մոտ կրկին երկրաշարժ է տեղի ունեցել, այս անգամ 5,0 մագնիտուդ ուժգնությամբ
Պաշտոնանկություն՝ վարչապետի աշխատակազմում
Գյումրիում Եվրադաշինքի անցողիկ շեմը չհաղթահարելը ապացուցեց՝ ՀՀ-ի եվրոպական ապագան մշուշոտ է. Էդմոն Մարուքյան

Լրացուցիչ նորություններ

...

Շարունակելու եմ պայքարել ՀՀ իշխանությունների դեմ. սոցիալական լուծումների ակնկալիքներ սրանցից չունեմ. Ռոման Երիցյան (տեսանյութ)

Ավարտվել է «Սևան ազգային պարկ»-ի նախկին տնօրենի նկատմամբ նախաձեռնված քրեական վարույթի նախաքննությունը

«Հրապարակ». Հրաժարվե՞լ է, թե՞ հրաժարեցրել են

«Հրապարակ». Աննա Վարդապետյանը կրկին ԱԺ կգնա

«Ժողովուրդ». Արցախցիները մեծ հանրահավաքի են պատրաստվում. իրավունքի խնդիր կա

«Հրապարակ». ՔՊ-ականները «սարքել են» Վիլեն Գաբրիելյանի գլխին

«Հրապարակ». Արցախցիները բացատրություն են պահանջել Վիտալի Բալասանյանից

«Ժողովուրդ». Ներքին գործերի նախարարի թեկնածու են փնտրում. Արփինե Սարգսյանը հեռանում է

Արսեն Թորոսյանն ընդդեմ ֆուտբոլասերների. կամ Փաշինյանի տխրությամբ ուրախացողը․ «Ժողովուրդ»

Իրարանցումից հետո ո’չ լսել են նախարարի ձայնը, ո’չ տեսել նրան. «Ժողովուրդ»

Աստծուց ողորմություն հայցեք․ Արցախի թեմի առաջնորդը զորակցության խոսք է ուղղել

«Քաղաքացիական պայմանագիր» խմբակցության պատգամավոր Վիլեն Գաբրիելյանը վայր է դրել մանդատը (տեսանյութ)

Գերմանիան ներողություն է խնդրել Ադրբեջանից Արցախի դրոշը նախագահի սոցցանցում տեղադրելու համար

Վարչական ռեսուրսն էլ հանես, տակը բան չի մնա. «Փաստ»

«Հրապարակ». Վեց ժամ՝ հանուն ոչնչի. Անդրանիկ Քոչարյանին հրահանգված է եղել չխոսել

«Հրապարակ». Հաղթանակը նշողներին տուգանել են

«Հրապարակ». Գլուխներ կթռնեն. Փաշինյանը «չիստկա» կանի ՔՊ-ում

Հայոց պետականության փրկությունը ՀՀ-ում օր առաջ վերջնական իշխանափոխությունն է. «Փաստ»

«Փաստ». Ո՞վ էր կազմակերպել Գյումրու ակցիան, և ի՞նչ կործանարար հետևանքների մասին էին զգուշացնում երիտասարդները

ՈՒԵՖԱ-ի նախագահ Չեֆերինին Հայաստանում հարցեր ունեն․ «Ժողովուրդ»