ԱՄՆ նորընտիր նախագահ Դոնալդ Թրամփը հայտարարել է, որ թույլ չի տա Չինաստանին շահագործել Պանամայի ջրանցքը։ Այդ մասին քաղաքական գործիչը հայտարարել է չորեքշաբթի օրը Վաշինգտոնում լրագրողների հետ զրույցում։
«Նրանք դա նրանց տվեցին 1 դոլարով, և այժմ նրանք ավելի շատ են վերցնում մեր նավերից: Իսկ Չինաստանը ղեկավարում է Պանամայի ջրանցքը: Դա չպետք է տեղի չի ունենա», - ասել է Թրամփը:
Թրամփին նաև խնդրել են պարզաբանել, թե արդյոք նա թույլ կտա ռազմական ուժ կիրառել Գրենլանդիան Միացյալ Նահանգների կազմի մեջ ներառելու համար: Նա այս հարցին ուղիղ պատասխան չտվեց, սակայն սահմանափակվեց միայն այն հայտարարությամբ, որ հունվարի 7-ին Գրենլանդիա ժամանած իր որդուն՝ Դոնալդ Թրամփ կրտսերին, ամենաջերմ ընդունելության են արժանացրել։
Թրամփը Վաշինգտոն է ժամանել՝ հրաժեշտ տալու Միացյալ Նահանգների 39-րդ նախագահ Ջիմի Քարթերին, ում դագաղը գտնվում է Կապիտոլիումի կենտրոնական դահլիճում։ Բացի այդ, Կոնգրեսում Թրամփը հանդիպում է անցկացրել հանրապետական սենատորների հետ, որից հետո պատասխանել է լրատվամիջոցների հարցերին։
