Լաս Վեգասի Trump International հյուրանոցի մոտ Tesla Cybertruck-ը պայթեցնելու մեջ կասկածվող տղամարդն օգտագործել է ChatGPT արհեստական ինտելեկտը հանցագործությանը նախապատրաստվելու համար։ Այս մասին մամուլի ասուլիսում հայտարարել է տեղի ոստիկանության շերիֆ Քևին Մաքմահիլը, հաղորդում է NBC News-ը։
Հետաքննության տվյալներով՝ գործին ներգրավված անձը ChatGPT-ի միջոցով փորձել է հաշվել անհրաժեշտ քանակությամբ պայթուցիկ նյութ և պարզել, թե որտեղ են այն վաճառում։ «Սա հանցագործությունը նախապատրաստման համար արհեստական ինտելեկտի օգտագործման առաջին հայտնի դեպքն է»,-նշել է Մաքմահիլը:
Հունվարի 1-ին, ինչպես հայտնել ենք, Լաս Վեգասի Trump International հյուրանոցի մուտքի մոտ Tesla Cybertruck մեքենա է պայթել, ինչի հետևանքով, ըստ տեղի պաշտոնյաների, զոհվել է մեկ մարդ, ևս մի քանիսը` վիրավորվել։ Կասկածյալը ԱՄՆ հատուկ նշանակության ուժերի նախկին սերժանտ, 37-ամյա Մեթյու Լիվելսբերգերն է, ով տառապում է հետտրավմատիկ սթրեսային խանգարումով։
Լրատվամիջոցների տեղեկություններով՝ նա անձնական ոխ չի ունեցել հյուրանոցի սեփականատիրոջ՝ Դոնալդ Թրամփի նկատմամբ։
