Տասը դանիացիներից ինը դեմ են Գրենլանդիայի՝ ԱՄՆ-ին փոխանցմանը։ Այսպիսին է հանրության արձագանքը ԱՄՆ նորընտիր նախագահ Դոնալդ Թրամփի հայտարարությանը կղզում վերահսկողություն հաստատելու ցանկության մասին, հայտնում է Ritzau գործակալությունը՝ վկայակոչելով Voxmeter սոցիոլոգիական ինստիտուտի կողմից հունվարի 6-7-ին անցկացված հարցման արդյունքները։
Հարցվածների 89.2%-ը պատասխանել է «ոչ», 4.5%-ը դրական է արձագանքել գաղափարին, իսկ 6.3%-ը դժվարացել է պատասխանել։ Հարցմանը մասնակցել է 18 տարեկան և բարձր 1065 մարդ։
Թրամփն առաջին անգամ արտահայտել է իր հետաքրքրությունը Գրենլանդիան ձեռք բերելու հարցում, որը մեծ նշանակություն ունի Արկտիկայի անվտանգության ապահովման համար, դեռ 2019թ. Դանիայի վարչապետ Մետե Ֆրեդերիկսենն այն ժամանակ «անհեթեթ» էր անվանել այդ միտքը, ինչը հանգեցրեց Դանիա Թրամփի ծրագրված պետական այցի չեղարկմանը:
Այս անգամ Ֆրեդերիկսենը դա ավելի դիվանագիտորեն արտահայտեց՝ հայտարարելով, որ «Գրենլանդիան պատկանում է գրենլանդացիներին»։ «Իմ սկզբնական տեսակետը և կառավարության տեսակետը շատ պարզ է. Գրենլանդիայի ապագան որոշվում է Գրենլանդիայում»,-ասել է կառավարության ղեկավարը TV2-ին տված հարցազրույցում։
