Ֆինլանդիայի և Գերմանիայի միջև ստորջրյա հեռահաղորդակցության C-Lion1 մալուխը, որը վնասվել էր դեկտեմբերին, վերանորոգվել է։ Ինչպես տեղեկացնում է «ՌԻԱ Նովոստի»-ն, այդ մասին հայտնել է ֆիննական Cinia Oy օպերատորը։
Ավելի վաղ Բալթիկ ծովում 4 ստորջրյա հեռահաղորդակցության մալուխներ խափանվել էին: Դրանցից երեքը անցկացված են Ֆինլանդիայի և Էստոնիայի միջև, իսկ մեկ մալուխը Ֆինլանդիան միացնում է Գերմանիային։«Cinia-ի C-Lion1 ստորջրյա մալուխի խզվածքը վերանորոգվել է, իսկ Ֆինլանդիայի և Գերմանիայի միջև ուղղակի ստորջրյա մալուխային կապը վերականգնվել է և լիովին գործում է», - ասված է հաղորդագրության մեջ։
Դեկտեմբերի 25-ին Ֆինլանդիայի և Էստոնիայի միջև EstLink 2 էլեկտրահաղորդման գիծն անջատվել էր:
Ֆինլանդիայի ոստիկանությունը կասկածում է, որ Կուկի կղզիների դրոշով պատված Eagle S նավը իր խարիսխով վնասել է EstLink 2 հոսանքի մալուխը և չորս կապի մալուխներ։ Ֆինլանդիայի մաքսային ծառայությունը պնդում է, որ Eagle S նավը ներգրավված է ռուսական էներգառեսուրսներ փոխադրող շարժակազմի ցուցակում:Իրավապահ մարմինները դեպքը քննում են որպես ծանր հանցագործություն։ Քրեական հետաքննությունը ղեկավարում է Ֆինլանդիայի կենտրոնական քրեական ոստիկանությունը։
