ՆԱՏՕ-ի երկրների ամբողջ արևելյան թեւը պետք է դուրս գա հակահետևակային ականների մասին միջազգային կոնվենցիայից (Օտտավայի կոնվենցիա): Այս մասին Žinu radijas ռադիոկայանի եթերում հայտարարել է Լիտվայի նախագահի արտաքին քաղաքականության հարցերով խորհրդական Աստա Սկայսգիրիտեն։
«Չպետք է հապճեպ որոշումներ կայացվեն», - ասել է նա:
Խորհրդականը հիշեցրել է, որ Օտտավայի կոնվենցիան ընդունվել է աշխարհաքաղաքական տարբեր պայմաններում։ «Այն ժամանակ Եվրոպան ապրում էր խաղաղության մեջ, և կային համապատասխան տրամադրություններ, որ դա կշարունակվի տասնամյակներ շարունակ», - նշել է Սկայսգիրիտը:
Ինչպես անցյալ շաբաթ հայտարարեց Լիտվայի պաշտպանության նախարար Դովիլ Շակալիենեն, Բալթյան երկրները պետք է միասնական դիրքորոշում ձևավորեն հակահետևակային ականների հարցում։ Նա ասել է, որ մոտ ապագայում կհամաձայնեցվի Ռուսաստանին և Բելառուսին սահմանակից տարածաշրջանի երկրների միջև խորհրդակցությունների ձևաչափը։
