Վրաստանի Սամգրելո-Զեմո Սվանեթի նահանգի ոստիկանության վարչությունը հայտնել է տարածաշրջանում օտարերկրյա քաղաքացու սպանության մասին։ Ավելի վաղ ասվում էր, որ այս տարածքում առևանգել են ռուս զբոսաշրջիկին, ով իր ընկերուհու հետ Վրաստան է եկել ամանորյա տոներին, գրում է RBC-ն։
Վրաստանի ՆԳՆ-ն հայտնել է, որ հունվարի 5-ին տեղի երկու բնակիչներ հարձակվել են Զուգդիդիից Մեստիա մեկնող երկու օտարերկրացու վրա և գողացել նրանց բջջային հեռախոսները։
Տղամարդուն կրակել են, իսկ դին նետել գետը։ Քննչական գործողությունների արդյունքում՝ վրացական ոստիկանությանը հաջողվել է բերման ենթարկել 1986 և 1992 թվականներին ծնված երկու տղամարդու։ Նրանց սպառնում է ցմահ ազատազրկում։
Նակրա գետում սպանվածի դին հայտնաբերվել է։
